Օր 1. Ժամանում Զվարթնոց միջազգային օդանավակայան։ 
Հանդիպում Պեգաս Թրավել Քլաբ ընկերության ներկայացուցչի հետ: Տեղափոխում հյուրանոց։ Գրանցում հյուրանոցում։ Երեկոյան ընթրիք տեղական ռեստորաններից մեկում:
Գիշերակաց Երևանում:

Օր 2. Երևան սիթի տուր

Նախաճաշ։  Երևանի հետ ծանոթությունը կսկսենք աշխարհի ամենահարուստ ձեռագրերի և գրքերի պահոցներից մեկը՝ Մատենադարանի հին ձեռագրերի ինստիտուտից: Հետո կշրջենք Կասկադ համալիրով՝ իր քանդակների պուրակով և Գաֆէսճյան արվեստի կենտրոնով: Կայցելենք Օպերայի շքեղ շենքը, հետմոդեռնիստական Հյուսիսային պողոտան և քաղաքի գլխավոր՝ Հանրապետության հրապարակը։ Կշարունակենք ճանապարհը դեպի Ծիծեռնակաբերդ՝ Հայոց ցեղասպանության հուշահամալիր։ Շրջայց կկատարենք «Արարատ» կոնյակի գործարանում, որտեղ կհամտեսեք աշխարհահռչակ հայկական կոնյակի երկու տեսակ: Այց հյուրատուն՝ մասնակցելու հայկական ավանդական «Տոլմա» ճաշատեսակի պատրաստման վարպետության դասին: Կանգ կառնենք մրգերի հանրաճանաչ շուկայում՝ ավանդական քաղցրավենիք և չրեր գնելու համար։
Գիշերակաց Երևանում։

Օր 3.   Երևան – Էջմիածին – Առատաշեն – Զվարթնոց – Երևան

Նախաճաշ։ Ուղևորություն դեպի Էջմիածին` հայ քրիստոնեության սիրտը և Հայ առաքելական եկեղեցու վարչական կենտրոնը: Կայցելենք Սբ. Հռիփսիմե և Սբ. Գայանե, Էջմիածնի Մայր տաճար, Մայր տաճարի թանգարան:
Այնուհետև կմեկնենք Առատաշեն: Շրջայց կալվածքով, խաղողի այգիներով, գինեգործարանով: Կհամտեսենք  երկու տեսակի գինի մսի, պանր ու զեյթունի տեսականու համադրությամբ: Վերադարձի ճանապարհին կայցելենք 7-րդ դարի Զվարթնոց տաճարի ավերակները։ 
Գիշերակաց Երևանում։

Օր 4.   Երևան - Խոր Վիրապ - Նորավանք - «Հին կամուրջ» Գինու գործարան - Գորիս

Նախաճաշ։ Մեկնում հյուրանոցից: Ուղևորություն դեպի Խոր Վիրապի վանք։ Շարունակում ենք ճանապարհը դեպի հայ միջնադարյան ճարտարապետության գլուխգործոց՝ 13-րդ դարի Նորավանք։ հետո կուղևորվենք Եղեգնաձոր՝ գինու համտեսի ընտանեկան «Հին կամուրջ» գինեգործարան, որը շատ հայտնի է իր համեղ գինիներով: Կհամտեսեք 4տեսակի գինիներ: Իսկ հետո կմեկնենք Գորիս։ 
Ժամանում հյուրանոց:
Գիշերակաց Գորիսում։

Օր 5. Գորիս - Տաթևի վանք - Խնձորեսկ – Գորիս

Նախաճաշ։ Ուղևորություն դեպի Հայաստանի ամենատպավորիչ վայրերից մեկը՝ 9-րդ դարի Տաթևի վանք: Որոտանի կիրճով անցնելու համար կնստենքաշխարհի ամենաերկար հետադարձելի «ՏաԹևեր»: Կշարունակենք դեպի Խնձորեսկ քարանձավային քաղաք, կքայլենք 163 մ ճոճվող կամրջով։ Զբոսանքից հետո վերադարձ դեպի Գորիս։ 
Գիշերակաց Գորիսում։

Օր 6.  Գորիս - Վարդենյաց լեռնանցք - Միքայելյան ընտանեկան ֆերմա - Սևանա լիճ - Դիլիջան 

Նախաճաշ։ Մեկնում հյուրանոցից: Ուղևորվում ենք  Սևանա լիճ գեղատեսիլ Վարդենյաց Լեռնանցքով, կանգառ կատարելով պատմական Օրբելյան քարավանսարայում, որը ժամանակին կարևոր հանգույց էր հնագույն Մետաքսի ճանապարհի վրա: Կայցելենք Միքայելյան ընտանեկան ֆերմա՝ համտեսելու յուրահատուկ և էկոլոգիապես մաքուր հայկական պանիրները: Ֆերմա գտնվում է Նորատուսից ոչ հեռու։ Կշարունակենք ճանապարհը դեպի  Սևանա լիճը,  Սևանավանքը, որը գտնվում է լճի թերակղզում։ Ուղևորություն դեպի Դիլիջան։ Ժամանում հյուրանոց: 
Ընթրիք և գիշերակաց Դիլիջանում։

Օր 7․   Դիլիջան – Հաղպատ – Սանահին – Դիլիջան

Նախաճաշ։ Ուղևորություն դեպի Ալավերդի՝ գեղատեսիլ Դեբեդի կիրճի ամենամեծ քաղաքը, որը հարուստ է պատմական հուշարձաններով և բնության գեղեցիկ համայնապատկերներով: Կբացահայտենք 10-րդ դարի Հաղպատի և Սանահինի վանքերը՝ հայկական կրոնական ճարտարապետության ուշագրավ նմուշները և ՅՈՒՆԵՍԿՕ-ի համաշխարհային ժառանգության օբյեկտներ: Վերադարձ դեպի Դիլիջան։ Ընթրիք։ 
Գիշերակաց Դիլիջանում։

Օր 8․   Դիլիջան - Գառնի - Գեղարդ - Երևան

Նախաճաշ։ Ուղևորվում ենք  13-րդ դարի Գեղարդի քարանձավային վանք (ՅՈՒՆԵՍԿՕ-ի Համաշխարհային ժառանգության օբյեկտ): Կշարունակենք Հայաստանի տարածքում պահպանված ամենահին Գառնու հեթանոսական տաճար։ Կայցելենք  Գառնու կիրճ՝ տեսնելու «Քարերի սիմֆոնիան»: Այնուհետև տեղի գյուղական տներից մեկում կմասնակցենք հայկական ավանդական  լավաշի թխման վարպետաց դասի։ 
Վերադարձ Երևան։ Այցություն Մեգերյան Կարպետ գործարան, որտեղ կտեսնեք հայկական հայտնի գորգերի ստեղծման գործընթացը: 
Ժամանում հյուրանոց: 
Գիշերակաց Երևանում։

Օր 9. Երևան  – Սաղմոսավանք – Հովհաննավանք –  Վան Արդի գինու գործարան – Երևան

Նախաճաշ: Ուղևորություն դեպի Սաղմոսավանք, հետո Հովհաննավանք: Այնուհետև կուղևորվենք դեպի Վան Արդի գինեգործարան։ Շրջայց կալվածքով, խաղողի այգիներով, գինեգործարանով և զանգակատնով: Կվայելենք գինիների համտեսը և լանչը, որը ներառում է 3 ուտեստից բաղկացած ճաշացանկ՝ պանրի ափսե և բրուսկետաների տեսականի, սեզոնային աղցան և լավաշի ռուլետ: Կարող եք ընտրել գինով եփված գառ (կամ տավար), տապակած իշխանի ֆիլե կամ խորոված հավի կրծքամիս:
Վերադարձ Երևան:
Գիշերակաց Երևանում:

Օր 10․   Նախաճաշ։ Մեկնում հյուրանոցից: Տեղափոխում օդանավակայան։ Մեկնում Երևանից։